Ek pal apne liye bhi

Zindagi kitni busy ho gayi hai. Ya phir insaan itna busy ho gaya hai. Itna busy ke apne liye fursat ka ek pal bhhi nahi hai. Apne aapko itni saari cheezon se jod liya hai ke din ke 24 ghante bhi kam padte hain. Fecebook ki updates bhi check karni hai. Mobile phones pe callss aur SMS ke zariye logo se baat bhi karni hai. Times of India aur rediff pe news bhi padhni hai. Groupon ke naye deals bhi de dekhne hain. Movie ke reviews bhi padhne hain. Aur agar cricket ke updates nahi sune toh din waste ho jaayega. Lekin in sabhi "zaroori" cheezon ke beech kya apne liye ek bhi minute nikalte hain hum?

Information ka zaman hai. Aur har insaan zayada se zyada information lena chahta hai. Par yeh saari information dimaag mein kitna chaos paida karti hai, yeh kabhi socha hai?

Ek pal kabhi apne liye bhi nikalo. Aadhe ghante ke liye sabhi informative cheezon se duur ghar ki balcony mein baith kar toh dekho. Kitna sukoon milta hai hawaa mein hilte huye ped ke patto ko dekhne mein. Aati jaati motorcycles aur cars ko count karne mein. Ya phir aankh band karke sirf shaanti ka anand lene mein, bahut sukoon milta hai. Kabhi karke toh dekho?

Yeh mat socho ke tumhara adha ghanta waste ho gaya. Arrey kya kar lete itni der mein, shayad Youtube pe kuch naye movie trailers ho dekhte na? Koi fark nahi padta. Believe me, the silence of that half an hour will give you much more than what you think, you have lost! Try it.